Istruzzjonijiet għall-użu tal-pinna mimlija għal-lest ta’ Erelzi

Jekk jogħġbok aqra dawn l-istruzzjonijiet KOLLHA qabel l-injezzjoni.

L-istess informazzjoni hija disponibbli wkoll fuq www.erelzi.eu u permezz tal-kodiċi ta’ hawn taħt.

Dawn l-istruzzjonijiet jgħinuk tinjetta l-mediċina sew billi tuża l-pinna mimlija għal-lest ta’ Erelzi.

Importanti li ma tippruvax tinjetta lilek innifsek sakemm ma tkunx tħarriġt mit-tabib, mill-infermier jew mill-ispiżjar tiegħek.

Il-pinna mimlija għal-lest ta’ Erelzi tiegħek:

Il‑pinna mimlija għal-lest ta’ Erelzi murija bl-għatu mneħħi. Tneħħix l-għatu qabel ma tkun lest biex tinjetta l‑mediċina.

Aħżen il-kaxxa bil-pinna fi friġġ f’temperatura bejn 2°C sa 8°C u Tħallihiex fejn jistgħu jarawha u jilħquha t-tfal.

Tiffriżax il-pinna.
Tħawwadx il-pinna.
Tużax il-pinna jekk twaqqgħet u kienet bla għatu.

Sabiex tinjetta s‑soluzzjoni b’aktar kumdità, oħroġ il‑pinna mill‑friġġ 15‑30 minuta qabel l‑injezzjoni biex tagħtiha ċans tilħaq it‑temperatura tal‑kamra.

X’għandek bżonn għall-injezzjoni tiegħek:

Inkluż fil-pakkett:

Pinna mimlija għal-lest ta’ Erelzi ġdida u mhux użata

Mhux inklużi fil-pakkett:

Imselħa bl-alkoħol
Biċċa tajjara jew garża
Kontenitur li fih jintremew oġġetti bil-ponta jew li jaqtgħu

Qabel l-injezzjoni:

1. Aspetti ta’ sigurtà importanti qabel ma tieħu l injezzjoni:

Is-soluzzjoni għandha tkun ċara jew ftit opalexxenti, bla kulur sa ftit safranija, u jista’ jkun fiha frak żgħir abjad jew kważi trasluċidi ta’ proteina. Din id-dehra hi normali għal Erelzi.

Tużax jekk il‑likwidu jkun imċajpar, ikollu tibdil fil-kulur, jew ikun fih ċapep kbar, laqx jew frak ikkulurit.

Tużax il-pinna jekk id-data ta’ meta tiskadi għaddiet.

Tużax jekk is-siġill ta’ sigurtà nkiser.

Kellem lill‑ispiżjar tiegħek jekk il‑pinna ma tilħaqx xi wieħed minn dawn l‑aspetti ta’ sigurtà.

2a. Agħżel il-post tal-injezzjoni:

Il‑post irrakkomandat hu l-parti ta’ quddiem tal‑koxox. Tista’ tuża wkoll in‑naħa ta’ isfel ta’ żaqqek, imma mhux l-erja ta’ 5 ċentimetri madwar iż‑żokra.
Agħżel post differenti kull darba li tagħti l-injezzjoni lilek innifsek.
Tinjettax il‑mediċina f’żoni fejn il‑ġilda hi sensittiva, imbenġla, ħamra, bil‑qxur jew iebsa. Evita żoni b’ċikatrici jew bi stretch marks. Jekk għandek il-psorijasi, M’GĦANDEKX tinjetta direttament ġo kwalunkwe rqajja’ jew leżjonijiet fil-ġilda li jkunu mqabbżin, ħoxnin, ħomor, jew bil-qxur (“leżjonijiet tal-psorijasi fil-ġilda”).

2b. Persuni oħrajn u professjonisti fil qasam mediku biss:

Jekk din l‑injezzjoni qed tagħtihielek persuna oħra jew professjonist fil‑qasam mediku, jistgħu jtaqqbuk ukoll fin‑naħa ta’ barra tal‑parti ta’ fuq ta’ dirgħajk.

3. Naddaf il post tal injezzjoni:

Aħsel idejk bis-sapun u l-ilma sħun.
Naddaf il‑post tal‑injezzjoni b’tajjara bl‑alkoħol permezz ta’ moviment ċirkolari. Ħallih jinxef qabel ma tinjetta l‑mediċina.
Terġax tmiss il-parti mnaddfa qabel l-injezzjoni.

L-injezzjoni tiegħek:

4. Neħħi l-għatu:

Neħħi l-għatu biss meta tkun lest biex tuża l-pinna.
Neħħi l-għatu billi ddawwar fid-direzzjoni tal-vleġeġ.
Armi l-għatu. Tippruvax twaħħal l-għatu mill-ġdid.
Uża l-pinna fi żmien 5 minuti minn meta tneħħi l-għatu.

5. Kif iżżomm il pinna tiegħek:

Żomm il-pinna f’angolu ta’ 90 grad mal-post imnaddaf fejn se tagħti l-injezzjoni.

TRID TAQRA DAN QABEL L INJEZZJONI.

Waqt l-injezzjoni se tisma’ 2 ħsejjes ifaqqgħu.

L‑ewwel ħoss juri li l‑injezzjoni bdiet. Bosta sekondi wara se tisma’ t‑tieni ħoss li jurik li l‑injezzjoni kważi lesta.

Għandek tibqa żżomm il‑pinna sew mal‑ġilda tiegħek sakemm tara indikatur aħdar jimla t‑tieqa u jieqaf jiċċaqlaq.

6. Kif tibda l-injezzjoni:

Agħfas il-pinna sew mal-ġilda sabiex tibda l-injezzjoni.
L-ewwel ħoss juri li l-injezzjoni bdiet.
Ibqa’ żomm il-pinna sew mal-ġilda tiegħek.
L-indikatur l-aħdar juri l-progress tal-injezzjoni.

7. Kif tintemm l-injezzjoni:

Isma’ t‑tieni ħoss. Dan juri li l‑injezzjoni kważi lesta.
Iċċekkja li l‑indikatur l‑aħdar mela t‑tieqa u waqaf jiċċaqlaq.
Il‑pinna issa tista’ titneħħa.

Wara L-Injezzjoni:

8. Iċċekkja li l indikatur l aħdar jimla t tieqa:

Dan ifisser li l‑mediċina ingħatat. Kellem lit‑tabib tiegħek jekk l‑indikatur aħdar ma jidhirx.
Jista’ jkun hemm ammont żgħir ta’ demm fil‑post fejn ingħatajt l‑injezzjoni. Tista’ tagħfas biċċa tajjara jew garża fuq il‑post tal‑injezzjoni u żommha għal 10 sekondi. Togħrokx il‑post fejn ittaqqabt. Tista’ tgħatti l‑post fejn ittaqqabt bi stikk żgħir, jekk hemm bżonn.

9. Kif tarmi l pinna mimlija għal-lest ta’ Erelzi tiegħek:

Armi l‑pinna użata f’kontenitur li fih jintremew oġġetti bil‑ponta jew li jaqtgħu (jiġifieri kontenitur magħluq li ma jittaqqabx, jew simili).
Qatt m’għandek terġa’ tuża l‑pinna.

Jekk għandek xi mistoqsijiet

jekk jogħġbok kellem lil tabib, infermier jew spiżjar li huwa familjari ma’ Erelzi.

Referenza: Sommarju Tal-Karatteristiċi tal- prodott Erelzi https://www.ema.europa.eu/en/documents/product-information/erelzi-epar-product-information_mt.pdf